قصيدة بعنوان (ضياع الامة العربية)

ضياع الامة العربية

فين هيبة الامة العربية

ودعاة النعرة القومية

راحوا فين السادة والقادة

وفى عصر قيادة سلبية

وبطانة تسبح باسم الحكام

ترفع شعارتها ورايتها باسم الوطنية

ومنافق بيشوف الظلم ويمارسه

وينادى بصوت عالى تحيه الحرية

خاين للعهد يكذب فى الوعد

يخطب فى الناس بكلام معسول زى العسليه

يركب فى المنصب يطلع ع الكرسى

ويعامل شعبه زى الحراميه

يرميه فى السجن خلف الجدران

والتهمة مخالف للراى وفى النظرية

او تهمة قلب نظام الحكم

ويسود عيشته وحياته اليوميه

اياك تتكلم وتوجه باسم الاسلام

تصبح ارهابى وتنزل ع القايمه الدوليه

والراى الصائب للعلمنة والفن الموبوء

يفتح له اذاعة وتلفاز وجريدة يومية

يكفر ويعربد بشعار الراى والراى الاخر

يسخر من دين الله وينادى لا للرجعية

ويعيش العمر يخدم لحساب اسياده

وبقدر ولاءه ترفع حسباته البنكيه

احزاب بتعارض والاخرى توافق

يضحكوا ع الامة بخفة وسخرية

الصادق بيصادره كلامه

ويكسروا قلمه وقواه الفكرية

والكاذب يفتح له الف مجال

يفسد ويعربد فى حياتنا الاسرية

وضياع اموال الامة لاشباع النزوات

وملاهى ومراقص باسم الفن كفريه

وشباب يتكلم باسم الشيطان

يتشبه بمدينة هليود اليهوديه

ويوزع اموال الامة فى مهرجانات

على شكل جوائز فى الحفلات الليليه

ونساء الامة وشيوخها بتدبح على ايد

اشرار الارض وشايفها بعنيه

لا يحرك فينا ساكن ولا نخوة

ولا كلمه ولا رجوله ولا حميه

وورثنا الذل والخزى والعار

نشجب وندد على الفاضى زى الاغبيه

وقعدنا وتركنا جهادنا

نسمع لكلام الخونة وعهود كفرية

نحكم فى بلادنا باوامر عمنا سام

يفرض فى شروطه نطبقها ميه فى الميه

واياك اياك تحكم بارادتك يخلع فى جذورك

يرمى بتمثالك ع الارضيه

تسمع لكلامهم وطيع اوامرهم

اسمك تنساه وكرامتك ومالك شخصيه

وتعيش فى حياتك تابع مذلول

تحميك اسيادك ولا عندك نخوه ولا هويهنشر الرسالة

خاين لبلادك وتاريخ اجدادك تكذب وتناور

خاين للامه العربية