صور للاطفال عن كيفية الوضوء

صور تعليم اطفال كيفية الوضوء تعليم الوضوء بالصور للاطفالالله أسأل أن ينفعنى وإياكم بها ........

صورة

حواديت الغابة (الكبش والذئب)

(2) الكبش والذئب

الكبش شاف الذئب بيسرق صيح بصوت عالي

الذئب صار مفترس شارد في كل وادي

وشكله أصبح مخيف وحديثنا في كل النوادي

والغابة كظم غيظها ولأمتي هتفضل تعاني

وطيبين الغابة صوتهم نبح من المنادي

يامسئولين الغابة الذئب حطم كياني

وصوت الحق راح ولاحد بيسمع كلامي

كلب الحراسة قال لا يمكن ارجع حراستي تاني

ايه فايدة حراستي والكل شايف الحرامي

ولو مسكت اللص وعملت فيها دمي حامي

الضرب والتشريد وقليل إن ما خلع سناني

الكبش قال أشتكي للفيل ينولني مرادي

والفيل كبيرنا وماسك عمل الغابة الإداري

أم رد الفيل وقال نظري ضعيف علي معاشي

ويدوبك أمضي الورق معرفش الجالس من الماشي

الكبش قال والعمل وفيلنا أصبح عمره فاني

الكبش راح للأسد وقاله انقذني يا أستاذي

أتاري الأسد مشغول ومعتش فاضي

تارك شئون الغابة وبسمع كلام الأعادي

ومعتش قادر يفرق الجندي من القيادي

الأسد أصبح صورة وما فيها من معاني

والغابة في أيد بطانه تحكم من ورا السواري

الكبش قال الذئب له حق يرتع ويلعب في كل البوادي

الظاهر إن الأمر خلاص خرج من الأيادي

وقال الشكوي لرب الكون قادر يخلصنا من الخاين والمعادى

حواديت الغابه (الثعلب والعصفور)

عصفور ورايح يرخص عشه خايف من التيار

وقف امام الغابه تايه ومحتار

وقال مين بيرخص عشش العصافير يا شطار

وكان بتبعه وشايفه من بعيد الثعلب المكار

وسحبه بره الغابة بعيد عن الأنظار

وقال له فين العش وفين عقد الإيجار

سمع كلامه العصفور وخد نفسه وطار

وحضر الأوراق والرسم والأمتار

وشويه طلع الثلعب يعين حدود الجار

وقال له يا عصفور متشغل الأفكار

العش مش قانوني والأمر عاوز له حوار

وإن كنت عاوز حل فكر بليل ونهار

وفكر العصفور ملئاش أمامه خيار

وبسرعة راح للثعلب يفوت عليه في الدار

وقال ايه المطلوب أنا خلاص هنهار

وصبري خلاص انتهي من كثرة المشوار

قال له النهاية تفهم وتشغل المنقار

فهم مراده ودفع له من قوت عياله صغار

وطار في السما يشتكي من الظلم للجبار

لأنه مش من طبعه متربي مع الأحرار

وقال ياميت خسارة علي عيشة الأبرار

الدنيا صارت غابة في قبضة الأشرار

يا رب أنت القوي وعالم الأسرار

قادر تخلص عبادك م الظلمة والفجار