ارجوزة (خزعبلات)

ارجوزة خزعبلات بقلم الكاتب الصاعد الساخر من حال العالم المتقدم والمتاخر وهى بعنوان (خزعبلات نائم)
كتبها واعدها لكم عبدالرحمن علاء بدويه

حلم عجيب (ساخرة)

في ليلة ضلمة وفي ساعه فجريه

قمت من النوم أنادى بقوة وعفية

صحاني وقالي خير يا بو النجومية

قلتيله حلمت إن العالم بقي في الناصرية

قالي إزاي فهمني وبراحة عليا

قولتيله شفت أمريكا بتعمل بالعافية طعمية

وفرنسا ساركوزي سارح بالعربية

وكوريا بقت قرية مش جمهورية

وهونج كونج إشتركت مع كينج كونج في الفضائية

وسنغافورة انقلبت لكلاب المافيا والحرامية

وتايوان بقت أكبر إصدار للملوخية

يعني ضاعت بلاد القمة العالمية

وضاعوا النمور الآسيوية

وضاعت فرنسا والولايات الأمريكية

وراح زمن التقدم والتنمية الإقتصادية

والبلاد الكبرى حلت مكانها المقاهى الشعبيه

عرفت ليه العالم بقي في الناصرية

وليه انقلب وحاله بقي مهلبية

عرفت وربنا يستر علي بلدنا الحبيبة الغالية

وتنام ولا تحلم تاني أحلامك المزعجة الليليه

ارجوزة ( ضياعك يابهيه )

ياخسارة الامة العربيه من بعد ضياعك يابهيه

من بعد ماكنت محليه والطيبة وعادات شرقيه

اصبحت عديمة الشخصيه ولا ليكى حس ولا هويه

مسخوكى وخلوكى غبيه ولا ليكى وضع ولا قضيه

وبسحر وخدعه وخفيه اخذوكى وعملوا العمليه

من يومها يامسكينه ياعاميه يشلوكى ويرموكى الراميه

سلبوكى النخوه والهمه ممنوعه حتى من الكلمه

معلهش ياامه ياعربيه ويعوض ربك فى بهيه

لولسه فى العمر بئيه هترجع تانى مصريه

وهنرفع علم الحريه وهتبئى خلافه اسلاميه