قصيدة بعنوان (صرخة قلم)

صرخة قلم

عجز القلم أن يكتب قصتي المريرة

وقال يا صاحبي لا أكتب في زمن الهزيمة

أنا قلت ليه يا قلم النبرة الحزينة

قال لي يا صاحبي فين الرجال فين العزيمة

قلت له احكي يا قلم فضها سيرة

ما كفايه إني عايش في قلق وحيرة

قال لي عجبك أبو العيال وجوع أولاد الصغيرة

ولا النساء الحياري في بيوتها عايشه أسيرة

ولا ضياع الشباب وملوهش حيلة

نفسه يعيش في بلده العيشة الكريمة

لو نادي يوم بالحق تبقي جريمة

والسجن هو المصير وحياة أليمة

وواحدة جالها المخاض مش لاقية ثمن الحكيمة

وناس بتركب شبح وكدلك وخنزيرة

وناس بتسهر بقوت عيالها الليالي الطويلة

وناس تنام علي الحرير وعيونها قريرة

وناس تنام علي البرش ودموها غزيرة

ولا اليتيم اللي فقد قلوبنا الحنونة

وقلوبنا صارت حجر وملوهش قيمة

لساك عايزني يا صاحبي أكتب قصيدة

أكتب قصيدة يا صاحبي ولا مصيبة

معلهش اصبر يا قلم ع الدنيا العجيبة

وارمي حمولك علي الله يجعل همومك يسيرة

نجم النجوم هيعلموه العوم

عشان يسبح فى بحر العلوم

ياما ناس تجلس فى مجلسه وتقوم

يغسل بعلمه عن الناس الهموم

يبتغى به رضا الواحد القيوم

ويصحى بيه الدنيا ويفتح فيها الغيوم

المشيخه عليه شىء مجمع عليه مرسوم

## ## ##

يانجم يابن الوز عوام

امتى هتحقق لابوك الاحلام

يشوفك فى اعلى مناصب ومقام

وناس تشاور تئول ياسلام

نعم المناصب واعلى مهام

وناس تئول ونعم ولاد الكرام

تربية القران ومكارم الاسلام

تسلم ايدين الى ربوا وخرجوا الاعلام

@@ @@ @@

نجم النجوم اشتكى فى يوم للقمر

وقال له نفسى اكون زيك انور للبشر

قال له يانجم بكره تكبر وكل شىء بقدر

وطول ماعمرك يضيعه فى طاعة الله

مايروحش ابد هدر

بس انت عايز جهاد وعلم وصبر وسهر

ولكل مجتهد نصيب ومحدش بيصنع لنفسه القدر