قصيدة بعنوان (اصحى لروحك)

هذه القصيده عباره عن نصيحة لمدمن ضاع بين المخدرات

يالى هويت كيف على ادمان
وتروح بيتك همدان
اصحى لروحك يابن الناس
وبلاش شيشه وشرب الكاس
انسى السم الى اسمه حشيش
ومن الاحسن روح كول عيش
ولا البانجو والبرشام ده كملن
الى انتشرو فى كل مكان
ليه بتدمر ليه فى شبابك
فين طموحاتك فين افكارك
كل ده راح ضيعته بايدك
ليه الكيف يتحكم فيك
ويمشيك على كيفه يرميك
وسط الناس حيران محتاس
وفى رجليهم تبئى مداس
اذا كان صاحب ولا قريب
منك يهرب يجرى يغيب
اوعى ياصاحبى تعمله كارك
تيجى فى يوم تفقد احساسك
والانسان من غير احاسيس
يبئى لايه فى الدنيا يعيش
واووعاك تمشى مع البطال
ولا تتكلم مع محتال
والبطال ديما معروف
رحته فى كل مكان بتفوح
يبئى مجرد م الشخصيه
وتفكرله الناس فى قضيه
واما تصاحب يابنى اختار
لجل تئامن ع الاسرار
صحبك الى بيستر عيبك
والى فى جيبه بيبئى فى جيبك
يابنى الدنيا ياما بتعلم
وتخلى الابكم يتكلم
صاحب الحظ كمان معروف
الملاليم تولدله الوف
ياما فيه ناس موش قادره تعيش
يوم بيلائوا وعشره مفيش
وتلائى نوع فى الدنيا غريب
عمره مايعرف غير العيب
تبئى حبيبه ويبئى حبيبك
عند ماتغرق يجرى وسيبك
وتاكله عيشك مع ملحك
وقت الاذمة يبعد عنك
ليه متكنش صافى النية
ويكون قلبى عليك وعاليه
تتقن عملك ترضى ضميرك
لجل ماكل الناس تدعيلك
اوعى تبص يوم فى العالى
اصل الائيك واقع قدامى
صلى وذكى وصوم ايامك
وانت هتنسى كل همومك