ارجوزة بعنوان(اخر موضه)

أخر موضة

ملها حياتنا صارت مرفوضة
كله بشوف فين أخر موضة
الي بيبحث عن أموال
حتي إذا كان المال بطال
والي بيسكر في الخمارة
ويلموه من حي وحارة
أيه جرا ايه في الدنيا يافندي
زي ما تاخد لازم تدي
طبع الدنيا كمان غدارة
والإنسان عايش علي ساعة
فين أمجادنا وفين إسلامنا
كل ده راح ضيعه أولادنا
يخربيت أمريكا علي روسيا
الي خلاص خربوا لنا بيوتنا
جوم قلبولنا البحر طحينة
خلوا بلادنا ملهاش قيمة
خلوا شبابنا يرقص وسطه
يوم ما بلادنا دخلها الديسكوه
ويرمونا بسموم وبلاوي
لجل ماهما يكونوا في العالي
شغل يهود وما يعرفوا ربك
يغدروا بيك وما يوفوا بعهدك
إوعي يغرك سحر جمالهم
ولا تعوم لي كمان علي عومهم
عمر بلدك زرع وخضره
عمر بلدك وبلاش غربة
بطل هجر وتترك أرضك
لجل ولادك وتصون عرضك