من ذاكرة الفن السروى الجميل

من ذاكرة الفن السروى الجميل

منذ اكثر 25 سنة كان مركز شباب السرو صغير مثل العش وفيه نموذج واحد من كل لعبه ومع ذلك كان هناك استمتاع بالوقت الذى كنا نجلسه فى هذا المركز وكان اسمه النادى لا نعرف له اسما غير ذلك وكنا نستعد كل سنه لمهرجان الانشطه المتكامله يعقد كل سنه فى محافظه من محافظات مصر ويشمل كل الالعاب وضمن هذه الانشطه نشاط فن التمثيل الذى كان هو احدى السيمات الاساسية فى هذا المهرجان وكان فريق التمثيل فى هذه السنه يتكون من الاستاذ منصور الجيوشى مخرج والاستاذ المعتز البهنساوى مساعد مخرج وفريق التمثيل المكون من نبيل المندوه التمامى الله يرحمه وحمدى نجا الله يرحمه ومحمد المندوه التمامى والاستاذ طاهر مدكور واخوكم علاء بدويه وطارق عبد الحميد التمامى ولا انسى الاخ الحبيب الى قلبى عبد الحميد حمدى السنباطى كان منشد المواويل بالمسرحية صاحب الصوت الجميل المتميز المهم ان احنا طبعا كنا بنعمل بروفات قبل العرض وبعد ماخلصنا بروفات كنت انا واخد دور اسمه الشيخ يونس كفيف ونبيل المندوه الله يرحمه كان واخد دور فلاح وكنا لابسين لبسنا المهم طلعنا بره فقلت له يانبيل ماتيجى نلف لفه ونمثل على الناس فى الشارع قال ليا يالله وطبعا كنا السنه دى المهرجان فى طنطا مشينا فى الشارع فى اتجاه مقام السيد البدوى والناس ماشيه كتير ونبيل ماسك ايدى ويقولى تعالى من هنا يامولانا وانا امشى ومعايا العصايا اشوح بها يمين وشمال ونبيل يمسح على صدرى وعلى راسى ويئول الله اما صلى على النبىى اللهم صلى على كامل النور وسع ياجدع والناس ساعة ماشفتنا الى يمسح عليا والى يبوس ايدى ونبيل مطلع المنديل والناس تحط فيه الفلوس والعمليه اخر حلاوه وفجأة بنبص من بعيد طبعا نبيل الى بيبص لان انا مغمض عينيا لان لوفتحتها هيبئى اكتر ضربى زى الحمار فى مطلع واقترب جنب ودنى وقالى شمع الفتله عشان نئول يافكيك قلت له ليه قال فيه مباحث بتئفش فى الناس الى شكلنه المهم مشينا بالراحه رويدا رويدا لما وصلنا الشارع وقلنا يافكيك على المعسكر وجلسنا الناس تاكل من اكل المعسكر واحنا كل يوم ناكل كباب وكفته . هذه من الذكريات التى لاتنسى ابدا من ذاكرتى والى ذكريات اخرى انشاء الله فى القريب مع تحيات اخوكم علاء بدويه