المشاركات
يا زكرياتي منين أبتدي الكلام
عايش حياتي أدوق من قسوة الأيام
من صغر سني عايش وقلبي حزين
أنام ليالي وأفكر عايش علي الأحلام
ياما حلمت في يوم أكون فنــان
أجسد هموم الناس من معاناه وآلام
وأصرخ بصوت عالي إنقذوا الإنسان
أصحي في ضمير البشر بعد رقود ونيام
ومشيت طريق الفن بكل حماس
بكل حب وشغف ماسألش هاخد كام
وكان طموحي هدف منشود
تهذيب نفوس الناس من عربده وآثام
وبعد حلمي إكتشفت إنه كابوس
يزينه الشيطان للسفهه والأقذام
وعيشت أبحث عن طريق النور
أقرأ طريق العجم وأطرف بلاد الشام
ياما ناديت شعارات ورافعت رايات
وحملت علي الأكتاف ورفعت للأعلام
أفتش عن المبادئ وأبحث عن الكيان
أقوم بدوري أبحث عن كل أمر هام
لكن خسارة طلع الطريق مسـدود
ونهايته خدمة عمنا ســام
من بعدها فكرت ليه ربنا خلق الإنس والجان
وكل شئ في الكون مخلوق في تمام
موزون وبحكمه وفي قمة الإتقان
رفعت راسي للسما مقر بالإبهام
أشهد لرب الكون والواحد الديان
وأخلع جذور الجهل من عربده وظلام
أرفع لواء دعوة ربنا في كل مكان
وأتبع طريق نبينا محمد بدعوة الاسلام
ليست هناك تعليقات:
إرسال تعليق